
वृषाली खंडाळे यांचे बी.ए.एल.एल.बी. परीक्षेत घवघवीत यश; नाथाचीवाडीच्या पहिल्या महिला वकील बनण्याचा मान

राहू वार्ताहर | दिनांक ३ जुलै दौंड तालुक्यातील नाथाचीवाडी येथील वृषाली खंडाळे यांनी बी.ए.एल.एल.बी. (BA.LLB) पदवी परीक्षेत उत्कृष्ट गुण मिळवत उल्लेखनीय यश संपादन केले आहे. त्यांच्या या यशामुळे कुटुंबीय, नातेवाईक तसेच मित्रपरिवारामध्ये आनंदाचे वातावरण निर्माण झाले आहे.
नाथाचीवाडी तसेच पंचक्रोशीतील पहिल्या महिला वकील बनण्याचा मान वृषाली खंडाळे यांनी मिळविला आहे. त्यामुळे गावकऱ्यांमध्ये अभिमानाची भावना निर्माण झाली असून, सर्व स्तरांतून त्यांचे अभिनंदन करण्यात येत आहे.
वृषाली यांनी सातत्यपूर्ण अभ्यास, कठोर परिश्रम, जिद्द आणि चिकाटीच्या बळावर हे यश संपादन केले आहे. कायदा क्षेत्रात करिअर घडविण्याचे ध्येय समोर ठेवून त्यांनी शिक्षण पूर्ण केले असून, भविष्यात एक सक्षम, कर्तव्यदक्ष व न्यायप्रिय वकील म्हणून समाजसेवा करण्याचा त्यांचा मानस आहे.
त्यांच्या या यशाबद्दल विविध क्षेत्रातील मान्यवर, शिक्षक, मित्रमंडळी, नागरिक तसेच राजकीय नेते व पदाधिकाऱ्यांकडून त्यांच्यावर अभिनंदनाचा वर्षाव होत आहे. त्यांच्या पुढील शैक्षणिक आणि व्यावसायिक वाटचालीसाठी शुभेच्छाही दिल्या जात आहेत.
वृषाली खंडाळे यांच्या या यशामुळे परिसरातील विद्यार्थिनींना नवी प्रेरणा मिळाली असून, कठोर परिश्रम आणि दृढ इच्छाशक्तीच्या बळावर कोणतेही ध्येय गाठता येते, हे त्यांनी आपल्या यशातून सिद्ध करून दाखविले आहे.

