राज्यस्तरीय कराटे चॅम्पियनशीपमध्ये माजलगावचा जयसिंग तौर चमकला; सुवर्णपदकावर कोरले नाव
प्रतिनिधी मराठवाडा विभागीय कार्यकारी संपादक किसन पवार ऍक्टिव्ह मराठी न्यूज माजलगाव. बीड.

राज्यस्तरीय कराटे चॅम्पियनशीपमध्ये माजलगावचा जयसिंग तौर चमकला; सुवर्णपदकावर कोरले नाव

माजलगाव (प्रतिनिधी) : छत्रपती संभाजीनगर येथील विभागीय क्रीडा संकुल, गारखेडा परिसरात आयोजित महाराष्ट्र राज्यस्तरीय कराटे चॅम्पियनशीप स्पर्धेत माजलगावच्या जयसिंग तौर याने दमदार कामगिरी करत सुवर्णपदक पटकावले. प्रतिस्पर्ध्यांवर मात करत प्रथम क्रमांक मिळवत जयसिंगने माजलगावसह बीड जिल्ह्याच्या शिरपेचात आणखी एक मानाचा तुरा रोवला आहे.
अॅड. प्रमोद तौर यांचा मुलगा असलेल्या जयसिंग तौर याने कठोर मेहनत, सातत्यपूर्ण सराव आणि प्रशिक्षकांच्या मार्गदर्शनाच्या जोरावर राज्यस्तरीय स्पर्धेत उल्लेखनीय यश संपादन केले. स्पर्धेत विविध ठिकाणांहून आलेल्या खेळाडूंनी सहभाग घेतला होता. त्यांच्यात जयसिंगने आत्मविश्वासाने खेळ करत प्रतिस्पर्ध्यांना मागे टाकले आणि सुवर्णपदकावर आपले नाव कोरले.
जयसिंगच्या या यशाबद्दल त्याचे प्रशिक्षक चंद्रमणी डोंगरे सर, माजलगाव मतदारसंघाचे आमदार प्रकाश दादा सोळंके, जयसिंग भैय्या सोळंके, अॅड. भानुदासराव डक, अॅड. इंद्रजित शिंदे, नितीन जाधव, क्षितीज गायकवाड आदींनी अभिनंदन केले.
जयसिंगने राज्यस्तरीय स्पर्धेत मिळवलेले हे यश माजलगावच्या क्रीडा क्षेत्रासाठी अभिमानाची बाब ठरली आहे. त्याच्या कामगिरीचे सामाजिक व राजकीय क्षेत्रातून सर्वत्र कौतुक होत असून, आगामी राष्ट्रीय स्पर्धेसाठी त्याला शुभेच्छांचा वर्षाव होत आहे.
मेहनत, जिद्द आणि आत्मविश्वासाच्या जोरावर जयसिंग तौरने मिळवलेले हे सुवर्णपदक अनेक युवा खेळाडूंना प्रेरणा देणारे ठरले आहे.. प्रतिनिधी मराठवाडा विभागीय कार्यकारी संपादक किसन पवार ऍक्टिव्ह मराठी न्यूज माजलगाव. बीड

