लोकनेते सुंदररावजी सोळंके पतसंस्थेतर्फे २२.५० लाखांचा लाभांश भविष्यात सभासदांना अधिकाधिक लाभांश देणार : चेअरमन वीरेंद्र सोळंके
संपादक उमेश भाऊ साठे ॲक्टिव्ह मराठी न्यूज प्रतिनिधी मराठवाडा विभागीय कार्यकारी संपादक किसनराव पवार ॲक्टिव्ह मराठी न्यूज. माजलगाव. बीड

लोकनेते सुंदररावजी सोळंके पतसंस्थेतर्फे २२.५० लाखांचा लाभांश

भविष्यात सभासदांना अधिकाधिक लाभांश देणार : चेअरमन वीरेंद्र सोळंके
माजलगाव (प्रतिनिधी): लोकनेते सुंदररावजी सोळंके नागरी सहकारी पतसंस्था मर्या., माजलगावच्या आर्थिक प्रगतीत सभासदांचा विश्वास आणि कर्मचाऱ्यांचे योगदान महत्त्वाचे असल्याचे सांगत, भविष्यातही संस्थेच्या माध्यमातून सभासदांना जास्तीत जास्त लाभांश देण्याचा प्रयत्न राहणार आहे, असे संस्थेचे चेअरमन श्री. वीरेंद्र प्रकाश सोळंके यांनी सांगितले. संस्थेने आर्थिक शिस्त, पारदर्शकता आणि विश्वासार्ह व्यवहाराला प्राधान्य देत सभासदांच्या हिताला केंद्रस्थानी ठेवले आहे.
आर्थिक वर्ष २०२५-२६ मध्ये संस्थेला २ कोटी २४ लाख रुपयांचा निव्वळ नफा झाला असून, त्यातून सभासदांना १० टक्के लाभांश, म्हणजेच २२ लाख ५० हजार रुपयांची रक्कम त्यांच्या बचत खात्यात जमा करण्यात आली आहे. सध्या संस्थेकडे १५० कोटी रुपयांच्या ठेवी असून, १०२ कोटी रुपयांचे कर्जवाटप करण्यात आले आहे. तसेच मागील पाच वर्षांपासून संस्थेला ‘अ’ ऑडिट वर्ग मिळत आहे. या भक्कम आर्थिक कामगिरीमुळे संस्थेवरील सभासदांचा विश्वास अधिक दृढ झाला आहे. संस्थेच्या प्रगतीशील वाटचालीत आमदार प्रकाशदादा सोळंके व सौ. मंगलाताई सोळंके यांचे मोलाचे मार्गदर्शन लाभत असून, त्याचबरोबर संचालक मंडळाचे ही सातत्यपूर्ण व मोलाचे मार्गदर्शन संस्थेला मिळत आहे. त्यांच्या मार्गदर्शनामुळे संस्थेने आर्थिक शिस्त, पारदर्शकता आणि सभासदहिताला प्राधान्य देत उल्लेखनीय प्रगती साधली असून, भविष्यातही संस्थेच्या विकासासाठी हे मार्गदर्शन प्रेरणादायी ठरणार आहे.

संस्थेच्या या यशामागे मुख्य कार्यकारी अधिकारी श्री. सुहास सोळंके यांच्यासह सर्व कर्मचारी वर्गाचे नियोजनबद्ध आणि मेहनती योगदान असल्याचे चेअरमन श्री. वीरेंद्र प्रकाश सोळंके यांनी नमूद केले. सभासदांच्या हितासाठी सातत्याने कार्यरत राहून संस्थेची प्रगती आणखी उंचावण्यासाठी सर्वांनी केलेल्या प्रयत्नांचे कौतुक होत असून, मुख्य कार्यकारी अधिकारी सुहास सोळंके आणि सर्व कर्मचारी यांचे सर्व स्तरांतून अभिनंदन होत आहे. भविष्यातही सभासदांचा विश्वास कायम ठेवत संस्थेची आर्थिक वाटचाल अधिक सक्षम करण्याचा निर्धार यावेळी व्यक्त करण्यात आला. प्रतिनिधी मराठवाडा विभागीय कार्यकारी संपादक किसनराव पवार ॲक्टिव्ह मराठी न्यूज. माजलगाव. बीड

