माजलगाव तहसील कार्यालयासमोर शेतकऱ्यांचे आमरण उपोषण*
संपादक उमेश साठे ॲक्टिव मराठी न्यूज माजलगाव प्रतिनिधी मराठवाडा विभागीय कार्यकारी संपादक किसन पवार

Deprecated: htmlspecialchars(): Passing null to parameter #1 ($string) of type string is deprecated in /home/timjghhk/activemarathinews.in/wp-includes/formatting.php on line 4802
माजलगाव तहसील कार्यालयासमोर शेतकऱ्यांचे आमरण उपोषण*
माजलगाव ॲक्टिव्ह मराठी (किसन पवार) प्रतिनिधी | दि. 20. नोव्हेंबर 2026.सर्व शेतकरी बांधवांच्या वतीने माजलगाव तहसील कार्यालय येथे आज शुक्रवार दि. 20 नोव्हेंबर 2026 रोजी सकाळी 10 वाजल्यापासून आमरण उपोषण सुरू करण्यात आले आहे.
शेतकऱ्यांच्या विविध प्रलंबित मागण्यांकडे शासन आणि प्रशासनाचे लक्ष वेधण्यासाठी हे उपोषण पुकारण्यात आले आहे. उपोषणस्थळी परिसरातील शेतकरी मोठ्या संख्येने उपस्थित होते. शेतकऱ्यांनी शांततेच्या मार्गाने आपल्या मागण्या मांडल्या.
प्रमुख मागण्या अशा :
1) राहिलेल्या शेतकऱ्यांना 5000 रुपये अग्रिम अनुदान तात्काळ देण्यात यावे.
2) पी.एम. किसान सन्मान योजनेचे बंद झालेले शेतकऱ्याचे हप्ते तात्काळ चालू करण्यात यावे.
3) लँड सिडिंग साईट तात्काळ चालू करणे.
4) फार्मर आयडी व बँक खात्याच्या त्रुटी असलेल्या शेतकऱ्यांची यादी आपल्या तलाठी सज्जावर यादी लावण्यात यावी.
5) पी.एम. किसान योजनेचे स्टेटस पाहण्यासाठी कृषी विभागात स्वतंत्र अधिकाऱ्याची व्यवस्था करण्यात यावी.
उपोषणकर्त्यांचे म्हणणे आहे की, अनेक शेतकरी अग्रिम अनुदानापासून वंचित आहेत. पी.एम. किसान योजनेचे हप्ते तांत्रिक कारणांमुळे बंद झाले आहेत. फार्मर आयडी, बँक खाते, लँड सिडिंग यातील त्रुटींमुळे शेतकरी सरकारी योजनांपासून वंचित राहत आहेत. वारंवार निवेदन देऊनही प्रश्न सुटत नसल्याने अखेर आमरण उपोषणाचा मार्ग अवलंबावा लागला, असे शेतकऱ्यांनी सांगितले.
जोपर्यंत मागण्या मान्य होत नाहीत, तोपर्यंत उपोषण मागे घेणार नसल्याचा इशारा उपोषणकर्त्यांनी दिला आहे. प्रशासनाने तात्काळ दखल घेऊन शेतकऱ्यांचे प्रश्न सोडवावेत, अशी मागणी यावेळी करण्यात आली.
Deprecated: htmlspecialchars(): Passing null to parameter #1 ($string) of type string is deprecated in /home/timjghhk/activemarathinews.in/wp-includes/formatting.php on line 4802



