
*सकल माळी समाज ट्रस्ट ची बैठक संपन्न*..
*माळीवाडा पंचमंडळ देवस्थानने सभासद नोंदणी माळी समाजासाठी खुली करावी -किशोर डागवाले*

अहिल्यानगर (जिल्हा प्रतिनिधी) दि.10 जून: : अमोल भांबरकर-
प्रसाद कोके यांनी धर्मादाय आयुक्त कार्यालय येथे माळीवाडा पंच मंडळ देवस्थानने माळी समाजासाठी सभासद नोंदणी सुरू करावी.या मागणीसाठी उपोषण केले होते.यावेळी सकल माळी समाजाने मध्यस्थी केली होती.व प्रसाद कोके यांनी उपोषण थांबवले.श्री कोके यांची मागणी रास्त असल्याने सकल माळी समाजाने त्याचा मागणीचा पाठपुरावा करण्याचे ठरविले आहे.शहराचे ग्रामदैवत श्री विशाल गणपती देवस्थान चे सभासदत्व मिळावे.अशी माळी समाज बांधव मागणी करीत आहे.धार्मिक कार्याची आवड असल्याने व श्रीगणेशा ची सेवा करण्याची संधी मिळावी.ही प्रत्येक समाजबांधवाची मनोभावे इच्छा आहे. माळीवाडा पंचमंडळ देवस्थानने सभासद नोंदणी माळी समाजासाठी खुली करावी.अशी मागणी सकल माळी समाज ट्रस्ट च्या बैठकीत ठरले असल्याचे प्रतिपादन सकल माळी समाज ट्रस्ट चे अध्यक्ष किशोर डागवाले यांनी केले आहे.
माळीवाडा येथील महालक्ष्मी मंदिरात माळीवाडा पंच मंडळ ट्रस्ट श्री विशाल गणेश देवस्थान ने सभासद नोंदणी माळी समाजासाठी खुली करावी.या मागणीसाठी सकल माळी समाज ट्रस्ट ची बैठक संपन्न झाली.या बैठकीत सकल माळी समाज ट्रस्टचे अध्यक्ष किशोर डागवाले,उपाध्यक्ष बाळासाहेब भुजबळ,सचिव राजेंद्र पडोळे, विश्वस्त डॉ.रणजीत सत्रे,विनोद पुंड,कोअर कमिटी सदस्य अनिल इवळे,प्रकाश इवळे, अमोल भांबरकर,अखिल भारतीय समता परिषदेचे जिल्हाध्यक्ष ब्रिजेश ताठे, साहेबराव विधाते,नारायण इवळे,सुधाकर कानडे, विनायकराव कोके,राजेंद्र ताठे,प्रकाश इवळे,संजय कानडे, गणेश कोल्हे,प्रसाद कोके,जालिंदर खंदारे,मनोज भुजबळ,अशोक हजारे,रामदास खंदारे,सचिन एकाडे,संजय ताजणे,प्रकाश रासकर,भास्कर खंदारे,अर्जुन गोंधळे,अशोक हिंगे,कल्याणी गाडळकर, रेणुका पुंड आदी उपस्थित होते.
विनायकराव कोके म्हणाले,हा लढा मी वैयक्तिक स्वार्थासाठी उभारला नसून समाज हितासाठी सभासद नोंदणी सुरू करण्यात यावी अशी मागणी केलेली आहे.माळीवाडा पंच मंडळ देवस्थानने मला विश्वस्त करून माझ्या घरातील सभासद नोंदणी करण्याचे आमिष दिले होते.परंतु माळी समाज घटकांना समाविष्ट करावे.ही मागणी मी केलेली आहे.तसेच जे सभासद मयत झाले आहे. त्यांच्या वारसांना देखील सभासद करुन घ्यावे.
प्रकाश इवळे म्हणाले,कोके बंधूंनी माळीवाडा पंच मंडळ देवस्थान ने सभासद नोंदणी सुरु करावी.या मागणीसाठी लढा उभारला आहे.या लढ्याला माळी समाजाने पाठिंबा द्यावा.कोके यांनी निस्वार्थपणे माळी समाजाचे बांधव व भगिनींसाठी सभासद नोंदणी करून घ्यावी. अशी मागणी केली आहे.ही मागणी रास्त असल्याने समाज त्यांच्यासोबत आहे.
डॉ.रणजीत सत्रे म्हणाले, ग्रामदैवत श्री विशाल गणेश देवस्थाने सर्वांचे आराध्य दैवत आहेत.बालिकाश्रम रोड सुडके मळा, जाधव मळा,बोरुडे मळा,ताठे मळा या परिसरातील समाज बांधवांना माळीवाडा पंच मंडळ देवस्थानचे सभासद होण्याची संधी उपलब्ध करून द्यावी.व धार्मिक कार्यात सहभागी करून घ्यावे.
बाळासाहेब भुजबळ म्हणाले,कोके पाटील यांनी उभारलेला लढा हा वैयक्तिक नसून तो समाजासाठी असल्याने समाजाने सामूहिक निर्णय घेऊन त्यांना पाठिंबा दिला आहे.तसेच माळी समाजासाठी सभासद नोंदणी खुली करावी.या मागणीसाठी सकल माळी समाजाचे शिष्टमंडळ प्रयत्नशील असल्याचे सांगितले आहे.
यावेळी सचिन एकाडे,राजेंद्र पडोळे,अशोक हिंगे,राजेंद्र ताठे आदींनी मनोगत व्यक्त केले.
यावेळी आभार प्रसाद कोके यांनी मानले.

