[t4b-ticker]
ब्रेकिंगमहाराष्ट्रसामाजिक

निर्भीड पत्रकार संघाची पोलीस आयुक्तांना भेट संपादक बाळासाहेब कडबाने यांच्यावरील खोटा गुन्हा मागे घेण्याची मागणी.

[wps_visitor_counter] [responsivevoice_button voice="Hindi Female"] [metaslider id="1367"]

निर्भीड पत्रकार संघाची पोलीस आयुक्तांना भेट

संपादक बाळासाहेब कडबाने यांच्यावरील खोटा गुन्हा मागे घेण्याची मागणी; अन्यथा राज्यव्यापी आंदोलनाचा इशारा

माजलगाव. प्रतिनिधी 9 जुलै.
निर्भीड पत्रकार संघ, बीड जिल्हाच्या वतीने छत्रपती संभाजीनगरचे पोलीस आयुक्त यांची भेट घेऊन दैनिक जागमित्रचे संपादक बाळासाहेब कडबाने यांच्याविरोधात दाखल करण्यात आलेला खोटा गुन्हा तात्काळ मागे घेण्याची मागणी करण्यात आली. यावेळी पोलीस आयुक्तांना सविस्तर निवेदन देऊन संपूर्ण प्रकरणाची निष्पक्ष चौकशी करण्याची विनंती करण्यात आली.
निवेदनात म्हटले आहे की, बाळासाहेब कडबाने हे गेल्या अनेक वर्षांपासून निर्भीड व निष्पक्ष पत्रकारिता करत असून समाजातील विविध प्रश्नांना सातत्याने वाचा फोडत आहेत. भ्रष्टाचार, गैरव्यवहार आणि जनहिताच्या विषयांवर त्यांनी अनेकदा वृत्तांकन करून प्रशासनाचे लक्ष वेधले आहे. अशा प्रामाणिक पत्रकारावर सूडबुद्धीने खोटा गुन्हा दाखल करण्यात आल्याचा आरोप संघटनेने केला आहे.
काही दिवसांपूर्वी वक्फ बोर्डाचे अध्यक्ष समीर काझी यांच्या गैरव्यवहाराबाबत दैनिक जागमित्रमध्ये वृत्त प्रसिद्ध करण्यात आले होते. या वृत्तामुळे संबंधितांनी संतापून बाळासाहेब कडबाने यांच्याविरोधात तक्रार दाखल केली असून, त्यातूनच हा खोटा गुन्हा नोंदविण्यात आल्याचे निवेदनात नमूद करण्यात आले आहे. पत्रकारांच्या अभिव्यक्ती स्वातंत्र्यावर गदा आणण्याचा हा प्रकार असून, लोकशाही व्यवस्थेसाठीही तो धोकादायक असल्याचे संघटनेने स्पष्ट केले.
निर्भीड पत्रकार संघाने प्रदेश अध्यक्ष देवेंद्र ढाका, जिल्हाध्यक्ष परमेश्वर सोळंके, तालुकाध्यक्ष बाळासाहेब आडागळे , ज्येष्ठ संपादक प्रचंड सोळके , संपादक संतोष रासवे यांनी पोलीस आयुक्तांकडे या प्रकरणाची सखोल व निष्पक्ष चौकशी करून वस्तुस्थिती समोर आणण्याची मागणी केली. तसेच कोणत्याही प्रकारचा राजकीय किंवा वैयक्तिक दबाव न घेता न्याय्य निर्णय घेऊन खोटा गुन्हा तात्काळ मागे घ्यावा, अशी मागणी करण्यात आली.
यावेळी संघटनेच्या पदाधिकाऱ्यांनी पत्रकारांवरील वाढते हल्ले, खोटे गुन्हे आणि दबावतंत्र याबाबतही चिंता व्यक्त केली. पत्रकारांवर अन्याय होत असल्यास संपूर्ण पत्रकार एकजुटीने उभा राहील, असा इशाराही त्यांनी दिला.
या निवेदनाची प्रत मुख्यमंत्री तथा गृहमंत्री देवेंद्र फडणवीस यांनाही पाठविण्यात आली आहे. दरम्यान, बाळासाहेब कडबाने यांच्यावरील गुन्हा मागे न घेतल्यास राज्यभरातील विविध पत्रकार संघटनांच्या सहकार्याने तीव्र आंदोलन छेडण्यात येईल, असा स्पष्ट इशारा निर्भीड पत्रकार संघाचे प्रदेशाध्यक्ष देवेंद्र ढाका, बीड जिल्हाध्यक्ष, परमेश्वर सोळंके, तालुका अध्यक्ष, बाळासाहेब आडागळे, ज्येष्ठ संपादक प्रचंड सोळंके, व संपादक संतोष रासवे यांच्या वतीने देण्यात आला.

[wps_visitor_counter] [sp_wpcarousel id="1375"]
[metaslider id="1367"]

Related Articles

Leave a Reply

Your email address will not be published. Required fields are marked *

Back to top button