‘मांगट्या’ म्हणत जातीवाचक शिवीगाळ; तरुणाला विटेने मारहाण* *सांडसचिंचोली येथील घटना; माजलगाव ग्रामीण पोलीस ठाण्यात अॅट्रॉसिटी सह गुन्हा दाखल*
जिल्हा प्रतिनिधी मराठवाडा विभागीय कार्यकारी संपादक किसन पवार ॲक्टिव्ह मराठी न्यूज माजलगाव बीड
*’मांगट्या’ म्हणत जातीवाचक शिवीगाळ; तरुणाला विटेने मारहाण*

*सांडसचिंचोली येथील घटना; माजलगाव ग्रामीण पोलीस ठाण्यात अॅट्रॉसिटी सह गुन्हा दाखल*
*माजलगाव | प्रतिनिधी दिनांक 24 ऑगस्ट*तालुक्यातील सांडसचिंचोली [ता. माजलगाव, जि. बीड] येथे क्षुल्लक कारणावरून एका तरुणाला जातीवाचक शिवीगाळ करून विटेने मारहाण केल्याची घटना *२२ ऑगस्ट* रोजी घडली आहे. या प्रकरणी माजलगाव ग्रामीण पोलीस ठाण्यात दोन जणांविरुद्ध अनुसूचित जाती-जमाती अत्याचार प्रतिबंधक कायद्यांतर्गत गुन्हा दाखल करण्यात आला आहे.
फिर्यादी *संजय गणेश गायकवाड [वय २७, व्यवसाय- ड्रायव्हर, रा. सांडसचिंचोली]* यांनी दिलेल्या तक्रारीनुसार, ते त्यांचे चुलतभाऊ विलास गायकवाड व मित्र बाळू वारे यांच्यासोबत गावातून घरी जात असताना त्यांच्यात थट्टा-मस्करी सुरू होती. यावेळी बाळू वारे याला शिवी दिल्याचा गैरसमज झाल्याने *सुमंत रामराव कदम व त्यांचा मुलगा हनुमंत सुमंत कदम [रा. सांडसचिंचोली]* यांनी ग्रामपंचायत कार्यालयासमोर संजय गायकवाड यांच्याशी वाद घातला.
*विटेने डोक्यात मारहाण* वादाचे रूपांतर काही वेळातच मारहाणीत झाले. दोघांनी लाथाबुक्क्यांनी व चापटांनी मारहाण केल्याचे फिर्यादीत म्हटले आहे. तसेच हनुमंत कदम याने संजय यांचे डोके टेलर दुकानाच्या भिंतीवर घासून खाली पाडले आणि बाजूला पडलेली वीट उचलून त्यांच्या डोक्यात मारली, असे तक्रारीत नमूद आहे. या मारहाणीत संजय यांच्या डोक्याला गंभीर दुखापत होऊन रक्तस्राव झाला.
यावेळी सुमंत कदम याने *’ए मांगट्या, तुझी काय औकात आहे माझ्यासमोर थांबण्याची’* अशी जातीवाचक शिवीगाळ करून *’तुला कधीही मारीन’* अशी धमकी दिल्याचेही फिर्यादीत म्हटले आहे.
घटनेनंतर नातेवाईक व मित्रांनी जखमी संजय यांना माजलगाव ग्रामीण पोलीस ठाण्यात आणले. पोलिसांनी त्यांना उपचारासाठी शासकीय रुग्णालयात पाठवले.
या प्रकरणी संजय गायकवाड यांच्या तक्रारीवरून सुमंत रामराव कदम व हनुमंत सुमंत कदम यांच्याविरुद्ध *अनुसूचित जाती व अनुसूचित जमाती [अत्याचार प्रतिबंधक] अधिनियम १९८९ मधील कलम 3(1)(r), 3(1)(s), 3(2)(va) तसेच भारतीय न्याय संहिता 2023 मधील कलम 115(2), 118(1), 3(5) व 351(2)* अन्वये गुन्हा दाखल करण्यात आला असून पुढील तपास माजलगाव ग्रामीण पोलीस करीत आहेत.तरी आरोपी यांना लवकरात लवकर अटक करुन त्यांना कडक शासन करावे अशी मागणी आता जोर धरू लागली आहे. मराठवाडा विभागीय


