[t4b-ticker]
ब्रेकिंगमहाराष्ट्रराजकिय

राज्याचे जलसंपदा मंत्री मा.नामदार श्री राधाकृष्ण विखे पाटील यांचे उपस्थितीत बैठक संपन्न….

जिल्हा ग्रामीण विभागीय संपादिका दिपाली दिवेकर ॲक्टिव्ह मराठी न्यूज.दौंड.पुणे.

[wps_visitor_counter] [responsivevoice_button voice="Hindi Female"] [metaslider id="1367"]

राज्याचे जलसंपदा मंत्री मा.नामदार श्री राधाकृष्ण विखे पाटील यांचे उपस्थितीत बैठक संपन्न….

दौंड (जि. पुणे) (ॲक्टिव्ह मराठी) (प्रतिनिधी) विभागीय संपादिका दिपाली दिवेकर …

विधानसभा मतदार संघाशी निगडीत जलसंपदा विभागाच्या विविध विषयांबाबत राज्याचे जलसंपदा मंत्री मा. नामदार श्री. राधाकृष्ण विखे पाटील  यांच्या उपस्थितीत बैठक आयोजित करण्यात आली होती.
यावेळी ग्रामविकास मंत्री मा. नामदार श्री. जयकुमार गोरे, अपर मुख्य सचिव दीपक कपूर साहेब, कार्यकारी संचालक श्री. अतुल कोपोले साहेब, मुळशी धरण समितीचे श्री. अविनाश सुर्वे साहेब, श्री. मुख्य अभियंता हनुमंत गुनाले साहेब, श्री. हनुमंत धुमाळ साहेब यांच्यासह जलसंपदा विभागाचे सर्व अधिकारी उपस्थित होते.
यावेळी खालील मुद्द्यावर चर्चा करण्यात आली
१) जनाई शिरसाई उपसा सिंचन योजनेच्या कालव्यांना बंदिस्त नलिका वितरण प्रणालीमध्ये रुपांतरण करणे व अस्तरीकरण करणेच्या कामासाठी प्रशासकीय मान्यता मिळण्याची मागणी केली – विस्तार व सुधारणा अंतर्गत जनाई शिरसाई उपसा सिंचन योजनेंतर्गत कालव्यांना बंदिस्त नलिका वितरण प्रणाली मध्ये रूपांतरण करणे यासाठी सुमारे ४२९.८६ कोटी किंमतीच्या प्रस्तावास दि. १४ ऑक्टोबर २०२४ रोजी मंत्रीमंडळ बैठकीत तत्वतः मान्यता दिली असून, शासनस्तरावरून उपस्थित शे-यांची पुर्तता करून प्रस्ताव महामंडळाचे पत्रान्वये दि. २३/१२/२०२४ रोजी शासनास सादर करण्यात आला आहे.
२) पुरंदर उपसा सिंचन योजनेच्या मौजे कुपटेवाडी, ता. दौंड, जि. पुणे येथील वितरिकेच्या वरील बाजूस वंचित भागाच्या सिंचनासाठी नवीन पाईप लाईन करणेसाठी सर्वेक्षण करणे व निधी उपलब्ध करून देण्याची मागणी केली. – याबाबत सर्वेक्षण व सविस्तर अहवाल तयार करण्यासाठी सुमारे १७.४३ लक्ष रुपयांचा निधी मंजूर करण्यात आला असून तातडीने सर्वेक्षण पूर्ण करून प्रस्ताव मंजुरीसाठी पाठविण्याचे आदेश मा. मंत्री महोदयांनी दिले.
३) जलविद्युत निर्मितीसाठी मुळशी व कोयना प्रकल्पाद्वारे कृष्णा खोऱ्यातील नैसर्गिकरित्या पूर्वमुखी नद्यांचे कृत्रिमपणे पश्चिमेकडील विपुलतेच्या खोऱ्यात वळविलेले पाणी पूर्वेकडे तुटीच्या खोऱ्यात वळविण्याबाबत सुर्वे समितीचा अहवाल सादर करणेबाबत – याबाबत लवकरच मुख्यमंत्री मा. देवेंद्र फडणवीस साहेब यांच्या समवेत बैठक घेण्यात येईल त्यासाठी आवश्यक अहवाल संबधित विभागाने तयार करावेत ग्रामीण भागाला पाणी मिळावे यासाठी मुळशी धरणाची उंची वाढविणे, मोठ्या प्रमाणावर असलेल्या मृत साठ्याचा उपयोग करणे, विद्युत निर्मितीसाठी इतर गोष्टींचा उपयोग करणे आदी बाबीचा सदर बैठकीत निर्णय घेण्यात येईल. ४) दौंड (जि. पुणे) तालुक्यातील उजनी धरणाच्या बॅंक वॉटर क्षेत्रात बुडीत बंधारे बांधणेसाठी सुधारित धोरण ठरविणेबाबत व बुडीत बंधारे बांधणेसाठी आवश्यक कार्यवाही करण्याची मागणी केली – यामध्ये कार्यकारी संचालक, कृष्णा खोरे विकास महामंडळ यांच्या अध्यक्षतेखाली समिती स्थापन करून त्याचा अहवाल लवकर सादर करावा अशा सूचना मा. मंत्री यांनी केल्या. ५) मौजे खानोटा, ता. दौंड, जि.पुणे येथील क्रमांक ५०४ ते ५०७ मधील शिल्लक १२८ घरांचे संपादन व पुनर्वसन करणेबाबत – घरांचे पुनर्वसन करण्यासाठी आवश्यक कार्यवाही शासन स्तरावर सुरु असून, तातडीने पूर्ण करून नागरिकांना दिलासा देण्यात येईल असे आश्वासन यावेळी मा. मंत्री महोदयांनी दिले.६) दौंड (जि. पुणे) तालुक्यातील चिबड, खारवट व पाणथळ शेतजमिनीने सर्वेक्षण पूर्ण करून प्रस्ताव सादर करणेबाबत व त्यास मान्यता मिळणेबाबत – याबाबत मापदंड मंजुरीसाठी आवश्यक कार्यवाही शासन स्तरावर सुरु असून, वित्त विभागाच्या मान्यतेसाठी सादर करण्यात आला आहे. वित्त विभागाच्या मान्यतेनंतर याबाबत प्रस्तावांना मान्यता देण्यात येईल असे मा. मंत्री यांनी सांगितले ७) खडकवासला ते फुरसुंगी बंदनळी कालवा व जुना मुठा उजवा कालवा (बेबी कॅनॉल) यांना राज्य शासनाकडून मंजूर करण्यात आलेला निधी व सुरु असलेली कामे यांचा आढावा – पर्यावरण व वन विषयक मान्यतेचे प्रस्ताव सादर करण्यात आले असून, रेल्वे क्रॉसिंग कामासाठी संकल्पन आराखडा कार्यवाही प्रगतीत व भूसंपादनाची कार्यवाही प्रगतीत आहे. सन २०२५ – २६ मध्ये शाफ्टचे काम पुर्ण करुन बोगद्याचे काम सुरु करणेचे नियोजित आहे मार्च २०२५ अखेर बोगद्याचे काम पूर्ण करण्यात येणार असल्याचे मा. मंत्री यांनी सांगितले तसेच बेबी कॅनॉलचे काम देखील लवकरच पूर्ण करण्याच्या सूचना दिल्या. ॲक्टिव्ह मराठी न्यूज.

[wps_visitor_counter] [sp_wpcarousel id="1375"]
[metaslider id="1367"]

Related Articles

Leave a Reply

Your email address will not be published. Required fields are marked *

Back to top button