[t4b-ticker]
ब्रेकिंगमहाराष्ट्रसामाजिक

बहुजन पँथर सेनेचे परभणी महानगरपालिकेला निवेदन.!* *स्मशानभूमीकडे जाणाऱ्या रस्त्यावरील अतिक्रमण हटविण्याची मागणी; अन्यथा तीव्र आंदोलनाचा इशारा..*

विभागीय उपसंपादक - रवि कुंटे ॲक्टिव्ह मराठी न्यूज

[wps_visitor_counter] [responsivevoice_button voice="Hindi Female"] [metaslider id="1367"]

*बहुजन पँथर सेनेचे परभणी महानगरपालिकेला निवेदन.!*

*स्मशानभूमीकडे जाणाऱ्या रस्त्यावरील अतिक्रमण हटविण्याची मागणी; अन्यथा तीव्र आंदोलनाचा इशारा..*

विभागीय उपसंपादक – रवि कुंटे
ॲक्टिव्ह मराठी न्यूज

ता. 8 जून 2026 परभणी शहरातील धार रोड येथील स्मशानभूमीकडे जाणाऱ्या मुख्य रस्त्यावर झालेल्या अतिक्रमणामुळे नागरिकांना मोठ्या अडचणींचा सामना करावा लागत असल्याचा आरोप करत बहुजन पँथर सेना, महाराष्ट्र राज्य ( परभणी महानगर ) यांच्या वतीने परभणी महानगरपालिकेच्या आयुक्तांना निवेदन देण्यात आले.
निवेदनात म्हटले आहे की, स्मशानभूमीकडे जाणारा रस्ता विविध प्रकारच्या अतिक्रमणामुळे अत्यंत अरुंद झाला असून, काही ठिकाणी वाळू, गिट्टी, विटा, पत्रे, रोड बांधकाम साहित्य, ऑटो तसेच इतर वस्तू रस्त्यावर ठेवल्यामुळे वाहतुकीस अडथळा निर्माण होत आहे. परिणामी अंत्ययात्रा आणि नागरिकांना मोठ्या गैरसोयीचा सामना करावा लागत असल्याचे निवेदनात नमूद करण्यात आले आहे.
यासोबतच स्मशानभूमी परिसरात कचरा व सांडपाणी साचत असल्याने परिसरात अस्वच्छता वाढली असून नागरिकांच्या आरोग्याचा प्रश्नही गंभीर बनत असल्याचे बहुजन पँथर सेनेने प्रशासनाच्या निदर्शनास आणून दिले आहे.
संघटनेने महानगरपालिकेकडे स्मशानभूमीकडे जाणाऱ्या रस्त्यावरील सर्व अतिक्रमणे तात्काळ हटवावीत, रस्त्याची साफसफाई करून वाहतुकीस योग्य व्यवस्था करावी तसेच स्मशानभूमी परिसरातील कचरा व सांडपाण्याची त्वरित विल्हेवाट लावावी, अशी मागणी केली आहे.
प्रशासनाने तातडीने कारवाई न केल्यास संबंधित प्रश्नावर तीव्र आंदोलन छेडण्यात येईल आणि त्याची सर्वस्वी जबाबदारी प्रशासनाची राहील, असा इशाराही निवेदनाद्वारे यावेळी संस्थापक अध्यक्षा निशाताई बचुटे यांच्या नेतृत्वाखाली देण्यात आला आहे. तर
निवेदनावर बहुजन पँथर सेनेचे महाराष्ट्र राज्य मराठवाडा अध्यक्ष राहुल विठ्ठलराव डुमणे, आकाश मुंढे, अजय व्हावळे, नितीन व्हावळे, ताजेद खान, बळीराम शिंदे, तोफिक मनियार, एजाज भाई मनियार, नूरुद्दीन मणियार, सतिश भिसे, संजय व्हावळे, राहुल कनकुटे, बोधिसत्व साळवे यांच्यासह संघटनेच्या पदाधिकारी व कार्यकर्त्यांच्या स्वाक्षऱ्या आहेत.  विभागीय उपसंपादक – रवि कुंटे ॲक्टिव्ह मराठी न्यूज .

[wps_visitor_counter] [sp_wpcarousel id="1375"]
[metaslider id="1367"]

Related Articles

Leave a Reply

Your email address will not be published. Required fields are marked *

Back to top button