[t4b-ticker]
आरोग्य व शिक्षणब्रेकिंग

*नीट पेपरफुटी व विद्यार्थ्यांवरील लाठीहल्ल्याचा अहिल्यानगरमध्ये तीव्र निषेध; पुरोगामी संघटनांचे जिल्हाधिकारी कार्यालयासमोर आंदोलन*

उमेश साठे. संपादक अँक्टिव्ह मराठी न्यूज.

[wps_visitor_counter] [responsivevoice_button voice="Hindi Female"] [metaslider id="1367"]

 

नीट पेपरफुटी व विद्यार्थ्यांवरील लाठीहल्ल्याचा अहिल्यानगरमध्ये तीव्र निषेध; पुरोगामी संघटनांचे जिल्हाधिकारी कार्यालयासमोर आंदोलन.

अहिल्यानगर (विशेष प्रतिनिधी) :  24 जुलै
नवी दिल्लीतील जंतर-मंतर व संसद मार्चदरम्यान शांततापूर्ण आंदोलन करणाऱ्या विद्यार्थ्यांवर झालेल्या अमानुष पोलिस लाठीहल्ल्याचा अहिल्यानगरमधील पुरोगामी पक्ष आणि संघटनांच्या वतीने गुरुवारी तीव्र निषेध करण्यात आला. नीट (NEET) पेपरफुटी प्रकरणातील दोषींवर कठोर कारवाई करावी आणि या संपूर्ण अपयशाची नैतिक जबाबदारी स्वीकारून केंद्रीय शिक्षणमंत्री धर्मेंद्र प्रधान यांनी तातडीने राजीनामा द्यावा, या प्रमुख मागण्यांसाठी जिल्हाधिकारी कार्यालयासमोर जोरदार निदर्शने करण्यात आली.
निदर्शनानंतर आंदोलकांच्या शिष्टमंडळाने मा. जिल्हाधिकाऱ्यांना मागण्यांचे निवेदन सादर केले.
*शिक्षण व्यवस्थेतील भ्रष्टाचारावर कडाडून टीका**
यावेळी बोलताना आंदोलक नेत्यांनी केंद्र सरकारच्या दडपशाहीवर जोरदार हल्लाबोल केला. देशभरातील विद्यार्थी गेल्या महिन्याभरापासून आपल्या न्याय्य हक्कांसाठी आणि शिक्षण व्यवस्थेतील त्रुटींविरोधात शांततेच्या मार्गाने आंदोलन करत आहेत. नीट पेपरफुटीमुळे आलेल्या नैराश्यातून आतापर्यंत २२ विद्यार्थ्यांनी आत्महत्या केल्यासारखे गंभीर वास्तव समोर आले आहे.
असे असतानाही संवाद साधण्याऐवजी २० जुलै रोजी संसद मार्चदरम्यान आंदोलन दडपण्यासाठी विद्यार्थ्यांवर लाठीहल्ला करण्यात आला. हा भारतीय राज्यघटनेने दिलेल्या लोकशाही अधिकारांवर झालेला थेट आघात आहे, असा आरोप याप्रसंगी करण्यात आला.
*प्रमुख मागण्या:*
*लाठीहल्ल्याची चौकशी:* संसद मार्चदरम्यान विद्यार्थ्यांवर झालेल्या अमानुष लाठीहल्ल्याची उच्चस्तरीय चौकशी करून दोषी पोलिस अधिकाऱ्यांवर कठोर कारवाई करण्यात यावी.
*दोषींवर कारवाई:* नीट पेपरफुटी प्रकरणातील मुख्य सूत्रधार व दोषींवर कडक कारवाई करून विद्यार्थ्यांना त्वरित न्याय द्यावा.
*शिक्षणमंत्र्यांचा राजीनामा:* संपूर्ण प्रकरणाची नैतिक जबाबदारी स्वीकारून केंद्रीय शिक्षणमंत्री धर्मेंद्र प्रधान यांनी तातडीने राजीनामा द्यावा.
*पात्र व्यक्तीची नियुक्ती:* शिक्षण मंत्रीपदी उच्च विद्याविभूषित आणि शिक्षण क्षेत्राची जाण असलेल्या व्यक्तीचीच नियुक्ती केली जावी.
**संवाद व तोडगा:* विद्यार्थ्यांच्या मागण्यांवर तातडीने निर्णय घेऊन त्यांच्याशी सकारात्मक संवाद साधावा आणि हे निवेदन तातडीने केंद्र सरकारकडे पाठवण्यात यावे.
*मान्यवरांची मोठी उपस्थिती*
या आंदोलनात आणि निवेदन सादरीकरणाच्या वेळी *प्रा. कॉम्रेड मेहबूब सय्यद* (मार्क्सवादी कम्युनिस्ट पक्ष), ज्येष्ठ समाजवादी विचारवंत *साथी सुभाष वारे, कॉम्रेड सुधीर टोकेकर* (भारतीय कम्युनिस्ट पक्ष), *कॉम्रेड सिद्धेश्वर कांबळे* (सीटू राज्य कार्यकारिणी सदस्य) व *कॉम्रेड प्रविण सोनवणे* (सीटू जिल्हा समन्वयक) प्रमुख उपस्थित होते.
तसेच *कॉम्रेड अनंत लोखंडे, कॉम्रेड सोमनाथ केंजळे, कॉम्रेड संदीप सकट, कॉम्रेड किरण वाळके, कॉम्रेड राजू वैराळ* (भाकपा माले), *विनायक गोरखे, ॲड. प्रदीप सकट, श्याम वैराळ, अमित टेंबरे, लक्ष्मण शिंदे, विजय राहींज, अविनाश साठे, अतुल महारनवर, अपेक्षा साळवे* यांच्यासह जिल्ह्यातील सर्व पुरोगामी पक्ष आणि संघटनांचे पदाधिकारी व कार्यकर्ते मोठ्या संख्येने उपस्थित होते. अँक्टिव्ह मराठी न्यूज. अहिलयानगर.

[wps_visitor_counter] [sp_wpcarousel id="1375"]
[metaslider id="1367"]

Related Articles

Leave a Reply

Your email address will not be published. Required fields are marked *

Back to top button