[t4b-ticker]
आरोग्य व शिक्षणब्रेकिंग

आबासाहेब काकडे कनिष्ठ महाविद्यालयात अकरावी विद्यार्थ्यांचा स्वागत समारंभ उत्साहात संपन्न

अहिल्यानगर शेवगाव तालुका प्रतिनिधी नरहरी शहाणे सह प्रतिनिधी मिना जगधने.

[wps_visitor_counter] [responsivevoice_button voice="Hindi Female"] [metaslider id="1367"]

आबासाहेब काकडे कनिष्ठ महाविद्यालयात अकरावी विद्यार्थ्यांचा स्वागत समारंभ उत्साहात संपन्न
अहिल्यानगर शेवगाव तालुका प्रतिनिधी नरहरी शहाणे

दिनांक 30 जून.: कर्मयोगी आबासाहेब काकडे शैक्षणिक समूहाचे आबासाहेब काकडे कनिष्ठ महाविद्यालय, शेवगाव येथे इयत्ता अकरावीला नव्याने प्रविष्ट झालेल्या कला ,विज्ञान व वाणिज्य शाखेच्या विद्यार्थ्यांचा स्वागत समारंभ मोठ्या उत्साहात पार पडला .
यावेळी घेण्यात आलेल्या कार्यक्रम प्रसंगी व्यासपीठावर कार्यक्रमाचे अध्यक्ष म्हणून शेवगाव पोलीस स्टेशनचे सहाय्यक पोलीस निरीक्षक श्री. शंकर मुटेकर ,प्राचार्य डॉ. श्री.लक्ष्मण बिटाळ,प्रमुख अतिथी माजी उपप्राचार्या श्रीमती रूपा खेडकर,उपप्राचार्य श्री.अशोक तमनर,पालक प्रतिनिधी श्री.रमेश मुराडे आदी मान्यवर उपस्थित होते .
मान्यवरांच्या हस्ते प्रातिनिधिक स्वरूपात अकरावीच्या विद्यार्थ्यांचे स्वागत करण्यात आले. इयत्ता बारावीच्या विद्यार्थ्यांनी इयत्ता अकरावीला नवीन प्रविष्ट विद्यार्थ्यांना पेन, चॉकलेट व गुलाबपुष्प देऊन त्यांचे स्वागत केले .बारावीची विद्यार्थिनी कु. साक्षी टाकळकर हिने प्रतिनिधिक स्वरूपात इयत्ता अकरावीला प्रविष्ट विद्यार्थ्यांचे स्वागत करून त्यांना शुभेच्छा दिल्या .
शिक्षक प्रतिनिधी श्री.अनिल जगताप ,प्रमुख पाहुणे माजी उपप्राचार्या श्रीमती रूपा खेडकर यांनी यावेळी आपले आपले विचार व्यक्त केले .
प्राचार्य लक्ष्मण बिटाळ यांनी नवीन प्रविष्ट विद्यार्थ्यांचे स्वागत करून त्यांना शुभेच्छा दिल्या. विद्यार्थ्यांनी दोन वर्षात ज्ञानाबरोबरच संस्कार प्राप्त करावे .कनिष्ठ महाविद्यालयात विविध उपक्रमामध्ये सहभागी होऊन आपल्या कलागुणांचा विकास करावा. कनिष्ठ महाविद्यालयात विद्यार्थ्यांच्या करिअरची उत्तम पायाभरणी केली जाईल असे त्यांनी अश्वासित केले.
कार्यक्रमाचे अध्यक्ष सहाय्यक पोलीस निरीक्षक श्री.शंकर मुटेकर विद्यार्थ्यांना मार्गदर्शन करताना म्हणाले, की आपल्या देशाचे भवितव्य हे तरुणांच्या हातामध्ये आहे. त्यामुळे विद्यार्थ्यांनी कॉलेज जीवनामध्ये चांगली मेहनत, परिश्रम घेऊन यश मिळवावे व आपल्या आई-वडिलांचे स्वप्न साकार करावे .विद्यार्थिनींनी कुठल्याही प्रकारच्या प्रलोभनांना बळी न पडता आपल्या आई-वडिलांच्या विश्वासाला तडा जाऊ देऊ नये.विद्यार्थ्यांनी मोबाईल तसेच सोशल मीडियाचा वापर चांगल्या कामासाठी करावा.
सदर कार्यक्रमाचे प्रास्ताविक उपप्राचार्य श्री.अशोक तमनर यांनी केले .सूत्रसंचालन प्रा.जरीना शेख यांनी व कार्यक्रमाचा समारोप प्रा. कालिंदी राजळे यांनी केला. ऍक्टिव्ह मराठी न्यूज शेवगाव. अहिल्यानगर.

[wps_visitor_counter] [sp_wpcarousel id="1375"]
[metaslider id="1367"]

Related Articles

Leave a Reply

Your email address will not be published. Required fields are marked *

Back to top button