डॉ. बाबासाहेब आंबेडकर समाजरत्न पुरस्काराने अशोक शिंदे यांचा गौरव
पुणे जिल्हा विभागीय संपादिका स्वाती राऊत ॲक्टिव्ह मराठी न्यूज. पुणे

डॉ. बाबासाहेब आंबेडकर समाजरत्न पुरस्काराने अशोक शिंदे यांचा गौरव

पुणे प्रतिनिधी: दिनांक 30 जून. सोजाई आदिवासी महिला विकास फाउंडेशन आयोजित राज्यस्तरीय पुरस्कार वितरण सोहळ्यात शाहू-फुले-आंबेडकर-साठे कलाम सामाजिक विचारमंच, शेवगावचे अशोक रामचंद्र शिंदे यांना “डॉ. बाबासाहेब आंबेडकर समाजरत्न पुरस्कार” प्रदान करून गौरविण्यात आले.
“संविधानाचा आदर व संविधानाचा जागर” या अभियानांतर्गत महिला शिक्षण, महिला सक्षमीकरण व सामाजिक क्षेत्रात केलेल्या उल्लेखनीय कार्याची दखल घेऊन हा पुरस्कार ज्येष्ठ साहित्यिक प्रा. डॉ. श्रीपाल सबनीस, प्रा. डॉ. शैलेंद्र भणगे, मेघराज राजेभोसले, माधवराव यादव, लक्ष्मण शिंदे, विजयेंद्र अंभुरे, डॉ. लक्ष्मण धांगडे, रणधुल निकम, आत्मप्रसाद कसबेकर, डॉ. अलका गाडेकर, डॉ. बी. डी. आगरकर, रानकवी जगदीश वनशिव, लोककवी सीताराम नखरे तसेच सोजाई आदिवासी महिला विकास फाउंडेशनचे अध्यक्ष डॉ. प्रशांत डी. चव्हाण, सचिव ॲड. जयश्री सोनवणे व इतर पदाधिकाऱ्यांच्या हस्ते प्रदान करण्यात आला.
अशोक रामचंद्र शिंदे व सौ. उषा अशोक शिंदे यांनी हा पुरस्कार सपत्नीक स्वीकारला.
हा पुरस्कार केवळ माझा नसून शाहू-फुले-आंबेडकर-साठे कलाम सामाजिक विचारमंचाच्या माध्यमातून सामाजिक, शैक्षणिक आणि संविधान जनजागृतीच्या कार्यात खांद्याला खांदा लावून कार्य करणाऱ्या सर्व सहकाऱ्यांचा आहे. त्यांच्या सहकार्य, विश्वास आणि योगदानामुळेच हा सन्मान प्राप्त झाला असून हा पुरस्कार सर्व सहकाऱ्यांना समर्पित आहे.
त्यांच्या या यशाबद्दल सर्व स्तरातून अभिनंदनाचा वर्षाव होत असून पुढील सामाजिक कार्यासाठी शुभेच्छा देण्यात येत आहेत.

