[t4b-ticker]
कृषीवार्ताब्रेकिंगसामाजिक

पेडगाव येथे कृषी उत्पन्न बाजार समितीचा उपबाजार मंजूर जिल्ह्यात पहिलाच मासोळी बाजार सुरू होणार शासनाची राजपत्रात अधिसूचना

श्रीगोंदा तालुका प्रतिनिधी : शफीक हवालदार ॲक्टिव मराठी न्यूज. अहिल्यानगर

[wps_visitor_counter] [responsivevoice_button voice="Hindi Female"] [metaslider id="1367"]

पेडगाव येथे कृषी उत्पन्न बाजार समितीचा उपबाजार मंजूर जिल्ह्यात पहिलाच मासोळी बाजार सुरू होणार शासनाची राजपत्रात अधिसूचना

श्रीगोंदा तालुका प्रतिनिधी : शफीक हवालदार ॲक्टिव मराठी न्यूज. अहिल्यानगर

श्रीगोंदा (प्रतिनिधी )दिनांक 4 जुलै श्रीगोंदा तालुक्यातील पेडगाव येथे कृषी उत्पन्न बाजार समितीचा उपबाजार सुरू करण्यास शासनाने अधिकृत मान्यता दिली आहे. यासंदर्भातील अधिसूचना महाराष्ट्र शासनाच्या राजपत्रात प्रसिद्ध करण्यात आली असून, त्यामुळे परिसरातील शेतकऱ्यांना शेतमाल विक्रीसाठी स्थानिक स्तरावरच बाजारपेठ उपलब्ध होणार आहे.
कृषी उत्पन्न बाजार समिती, श्रीगोंदा यांनी १८ मार्च २०२६ रोजी झालेल्या सभेत पेडगाव येथील गट क्रमांक ५६७ मधील ०.४० आर जागा २९ वर्षांच्या भाडेकराराने घेऊन तेथे उपबाजार सुरू करण्याचा ठराव मंजूर केला होता. या प्रस्तावानुसार २७ एप्रिल २०२६ रोजी अधिसूचना प्रसिद्ध करून नागरिक, शेतकरी, व्यापारी, आडते, दलाल व संबंधितांकडून ३० दिवसांच्या आत हरकती मागविण्यात आल्या होत्या. मात्र, मुदतीत कोणतीही हरकत प्राप्त झाली नसल्याने पुढील कार्यवाही करण्यात आली.
महाराष्ट्र कृषी उत्पन्न पणन (विकास व विनियमन) अधिनियम, १९६३ च्या कलम ५ (१) व (२) अन्वये प्राप्त अधिकारांचा वापर करून जिल्हा उपनिबंधक, सहकारी संस्था, अहिल्यानगर मंगेश सुरवसे यांनी मौजे पेडगाव येथील संबंधित जागा कृषी उत्पन्न बाजार समिती, श्रीगोंदासाठी अधिकृत उपबाजार म्हणून घोषित केली आहे.
या उपबाजारात नियमन केलेल्या शेतमाल व कृषी वस्तूंची खरेदी-विक्री होणार असून शेतकऱ्यांसाठी आवश्यक पायाभूत सुविधा उपलब्ध करून दिल्या जाणार आहेत. त्यामुळे पेडगाव, शेडगाव, आजनुज टाकळी तसेच परिसरातील गावांतील शेतकऱ्यांना शेतमाल विक्रीसाठी दूरवर जाण्याची गरज भासणार नाही. वाहतूक खर्चात बचत होण्याबरोबरच शेतमाल विक्रीची अधिक सुलभ व पारदर्शक व्यवस्था उपलब्ध होणार असल्याने शेतकऱ्यांना मोठा दिलासा मिळणार आहे. त्याचप्रमाणे अहिल्यानगर जिल्ह्यामध्ये पहिलाच मासोळी बाजार होणार असल्याने मच्छीमारी करणाऱ्यांसाठी व मच्छीमारी व्यवसायकांसाठी याचा मोठा लाभ होणार आहे
राजपत्रातील अधिसूचनेनुसार पेडगाव येथील उपबाजारामुळे कृषी उत्पन्न बाजार समितीच्या कार्यक्षेत्राचा विस्तार होणार असून ग्रामीण भागातील कृषी विपणन व्यवस्थेला चालना मिळण्याची अपेक्षा व्यक्त केली जात आहे.

[wps_visitor_counter] [sp_wpcarousel id="1375"]
[metaslider id="1367"]

Related Articles

Leave a Reply

Your email address will not be published. Required fields are marked *

Back to top button