पत्रकारांच्या आंदोलनाला यश; मग्रूर तलाठी रुपचंद आभारे अखेर शासकीय सेवेतून निलंबित जिल्हाधिकारी विवेक जॉन्सन यांची धडाकेबाज कारवाई
अँक्टिव्ह मराठी न्यूज .बीड जिल्हा मराठवाडा विभागीय कार्यकारी संपादक : किसन बी पवार माजलगाव ( प्रतिनिधी )

पत्रकारांच्या आंदोलनाला यश; मग्रूर तलाठी रुपचंद आभारे अखेर शासकीय सेवेतून निलंबित
जिल्हाधिकारी विवेक जॉन्सन यांची धडाकेबाज कारवाई …
अँक्टिव्ह मराठी न्यूज .बीड जिल्हा मराठवाडा विभागीय कार्यकारी संपादक : किसन बी पवार माजलगाव ( प्रतिनिधी )
दिनांक १ जुलै .येथील मग्रूर तलाठी रुपचंद सुधाकर आभारे यांच्या विरुद्ध शासकीय पद आणी अधिकाराचा गैरवापर करून स्वताच्या आर्थिक फायद्यासाठी वादातील मिळकत स्वताच्या पत्नी व नातेवाईकांच्या नावे अर्जदाराची फसवणूक केल्याप्रकरणी जिल्हाधिकारी विवेक जॉन्सन यांनी मग्रूर तलाठी रुपचंद आभारेवर दि ०१ जुलै बुधवार रोजी सेवेतून तडकाफडकी निलंबित करण्यात आले आहे.याप्रकरणी माजलगाव येथील पत्रकारांनी जिल्हाधिकारी कार्यालयासमोरील केलेल्या आंदोलन यश आल्याची प्रतिक्रिया पत्रकार वाजेद पठाण, राजरत्न डोंगरे व नईम आतार यांनी दिली आहे
यासंदर्भात जिल्हाधिकारी विवेक जॉन्सन यांनी मग्रूर तलाठी रुपचंद आभेरच्या निलंबित आदेशात असे नमूद केले आहे की,ज्याअर्थी,रुपचंद सुधाकर आभारे, ग्राम महसूल अधिकारी, तहसील कार्यालय, माजलगांव यांच्याविरुद्ध शासकीय पद आणि अधिकाराचा गैरवापर करून स्वतःच्या आर्थिक फायद्यासाठी वादातील मिळकत स्वतःच्या पत्नीच्या नावे करून अर्जदारांची फसवणूक केल्याबाबत गंभीर स्वरूपाची तक्रार दाखल झाली होती.सदर प्रकरणाच्या अनुषंगाने उपविभागीय अधिकारी, माजलगांव आणि तहसीलदार, माजलगांव यांनी संदर्भीय क्र.2 व 3 अन्वये सादर केलेल्या चौकशी अहवालानुसार मौजे माजलगांव येथील गट नं.१०५ मधील क्षेत्राबाबत मा.दिवाणी न्यायालयात स्पेशल दि.दा.क्र. १९/२०२४ प्रलंबित असतांना,तसेच सह-दुय्यम निबंधक कार्यालयात लीज पेन्डन्सी नोंद असतानाही रुपचंद सुधाकर आभारे, ग्राम महसूल अधिकारी यांनी नियमांचे उल्लंघन करून फेरफार मंजूर केले.मौजे माजलगांव येथील संबंधित खरेदीखतांच्या आधारे फेरफार क्र. १४८४८,१४८२७, १४८२२,१४८२६, १४८४७,१४८४६,२४७४५,१४८२३, १४८३०,१४८२८,१४८२१,१४८२४ हे सर्व दिनांक १८ जानेवारी २०२६ रोजी नोंदवले व चुकीच्या पद्धतीने फेरफार मंजूर करून शासकीय कर्तव्यात गंभीर कसूर व निष्काळजीपणा केल्याचे सिद्ध झाले आहे.आणि ज्याअर्थी,सदर प्रकरणी रुपचंद सुधाकर आभारे, ग्राम महसूल अधिकारी, तहसील कार्यालय, माजलगांव यांची दि.३० जुन २०२६ रोजी सुनावणी घेण्यात आली सदर सुनावणी दरम्यान त्यांनी केलेला युक्तीवाद व सादर केलेला खुलासा मोघम स्वरुपातील, पुरावाहीन व असमाधानकारक असल्याचे अमान्य करण्यात आला आहे.तसेच त्यांचे वर्तन महाराष्ट्र नागरी सेवा (वर्तणूक) नियम, १९७९ च्या नियम ३ मधील तरतूदींचा भंग करणारे असल्याचे आढळून आले आहे.या प्रकरणाच्या गांभीर्याचा विचार करता संबंधित कर्मचाऱ्यास निलंबित करणे आवश्यक व न्यायोचित ठरते.त्याअर्थी रुपचंद सुधाकर आभारे,ग्राम महसूल अधिकारी, तहसील कार्यालय, माजलगांव यांना शासकीय कर्तव्यात गंभीर निष्काळजीपणा, आर्थिक गैरव्यवहार व गैरवर्तन केल्याप्रकरणी महाराष्ट्र नागरी सेवा (शिस्त व अपील) नियम,१९७९ चे नियम ४ मधील तरतुदींनूसार आदेशाच्या दिनांकापासून म्हणजेच दि ०१ जुलै २०२६ बुधवार रोजी पासुन शासन सेवेतून निलंबित करण्यात येत आहे.
तसेच त्यांचे विरुध्द महाराष्ट्र नागरी सेवा (शिस्त व अपील) नियम,१९७९ चे नियम ८ अन्वये विभागीय चौकशी प्रस्तावीत करण्यात येत आहे.आणखी असेही आदेशीत करण्यात येते की, रुपचंद सुधाकर आभारे,ग्राम महसूल अधिकारी, यांचे निलंबन कालावधीतील मुख्यालय तहसील कार्यालय पाटोदा हे राहील व सक्षम अधिकाऱ्यांच्या पूर्व परवानगी शिवाय त्यांना मुख्यालय सोडता येणार नाही.याप्रकरणी पत्रकार वाजेद पठाण, राजरत्न डोंगरे व नईम आत्तार यांनी दि २९ जुन २०२६ रोजी जिल्हाधिकारी कार्यालयासमोर केलेल्या आंदोलनाला यश आले असल्याची प्रतिक्रिया दिली आहे. अँक्टिव्ह मराठी न्यूज.

