तलवाडा येथे ऊसतोड मजुरांच्या मुलांना शालेय साहित्य वाटप. वंचित घटकातील मुलं अधिकारी झाले पाहिजे- धोंडीबा हातागळे
अँक्टिव्ह मराठी न्यूज बीड जिल्हा मराठवाडा विभागीय कार्यकारी संपादक किसन बी पवार माजलगाव प्रतिनिधी

तलवाडा येथे ऊसतोड मजुरांच्या मुलांना शालेय साहित्य वाटप.
वंचित घटकातील मुलं अधिकारी झाले पाहिजे- धोंडीबा हातागळे
अँक्टिव्ह मराठी न्यूज बीड जिल्हा मराठवाडा विभागीय कार्यकारी संपादक किसन बी पवार माजलगाव प्रतिनिधी

दिनांक 1: जुलै – आज तलवाडा येथे ऊसतोड कामगार यांच्या मुलांना स्कूल बॅग, नोटबुक आणि पेन असे शालेय साहित्य वाटप करण्यात आले. ज्या मुलांना शालेय साहित्य नाही असे मुले निवडून त्यांना हे साहित्य वाटप करण्यात आले. ही कल्पना मानवी हक्क अभियानाचे तालुका अध्यक्ष धोंडीबा हातागळे यांची असून त्यांनी मेहनत घेऊन हा कार्यक्रम खूप छान प्रकारे राबवला. धोंडीबा हातागळे हे नेहमीच वंचित घटकाला वेगवेगळ्या प्रकारचे कार्यक्रम घेऊन त्यांना मदत करत असतात. ऊसतोड कामगारांची मुले शिकले पाहिजेत त्यांना प्रोत्साहन देण्यासाठी हा कार्यक्रम आयोजित करण्यात आला होता. या कार्यक्रमाला आर्थिक मदत डॉ. प्रवीण फड, पुणे येथील उद्योजक अमर लाड आणि ग्रामसेवक भाऊसाहेब शेळके यांनी या कार्यक्रमाला आर्थिक मदत केली. या कार्यक्रमांमध्ये गणपत नाटकर सर, श्याम आबा कुंड, भाऊसाहेब शेळके, गोपीनाथ हातागळे, राम साबळे यांनी आपले मनोगत व्यक्त केले.या कार्यक्रमाला उपस्थित जय भवानी सहकारी साखर कारखान्याचे संचालक गणपत नाटकर सर, मा. पंचायत समिती सदस्य श्याम आबा कुंड, राजापूरचे ग्रामसेवक भाऊसाहेब शेळके, कर्मवीर एकनाथ आवडतो कामगार संघटना तालुका अध्यक्ष मारुती भिसे,मा. सरपंच लहू हातागळे, सतीश गांधले, राम साबळे, गोपीनाथ हातागळे, गावंजी हातागळे, समिंदर रोकडे, महिला व विद्यार्थी उपस्थित होते. या कार्यक्रमाचे आयोजन मानवी हक्क अभियानाचे तालुका अध्यक्ष धोंडीबा हातागळे यांनी केले. ॲक्टिव मराठी न्यूज.

