[t4b-ticker]
ब्रेकिंगसामाजिक

अहिल्यानगर जिल्हाधिकारी कार्यालयात सफाई कर्मचाऱ्यांच्या प्रश्नांवर महत्त्वपूर्ण बैठक

तालुका प्रतिनिधी, अँक्टिव्ह मराठी विजय प्रभुणे

[wps_visitor_counter] [responsivevoice_button voice="Hindi Female"] [metaslider id="1367"]

अहिल्यानगर जिल्हाधिकारी कार्यालयात सफाई कर्मचाऱ्यांच्या प्रश्नांवर महत्त्वपूर्ण बैठक

अहिल्यानगर, दि. ४ एप्रिल २०२६ — महाराष्ट्र राज्य सफाई कर्मचारी आयोगाच्या पुढाकारातून जिल्हाधिकारी कार्यालय, अहिल्यानगर येथे सफाई कर्मचाऱ्यांच्या विविध प्रलंबित प्रश्नांवर महत्त्वपूर्ण बैठक पार पडली. या बैठकीत कर्मचाऱ्यांच्या समस्या सोडवण्यासाठी ठोस निर्णय घेण्यात आले.

बैठकीत लाड-पागे समिती अंतर्गत वारसांना नोकरी देण्याचा विषय प्रमुख चर्चेचा मुद्दा ठरला. संबंधित अधिकाऱ्यांना वारसांना ३० दिवसांच्या आत नोकरी देण्याच्या सूचना देण्यात आल्या. तसेच आयुष्यमान कार्ड व आवास योजनांचा लाभ पात्र कर्मचाऱ्यांपर्यंत प्रभावीपणे पोहोचवण्यासाठी मार्गदर्शन करण्यात आले.

शासनाच्या विविध योजना तळागाळातील कर्मचाऱ्यांपर्यंत पोहोचाव्यात यासाठी विशेष कॅम्प आयोजित करण्याचा प्रस्तावही यावेळी मांडण्यात आला. विविध नगरपालिकांमधील सफाई कर्मचाऱ्यांच्या अडचणी समजून घेऊन त्यावर उपाययोजना करण्याबाबत सविस्तर चर्चा झाली.

या बैठकीत जिल्हाधिकारी प्रविण देवरे, सर्व नगरपालिकांचे मुख्याधिकारी, समाजकल्याण विभागाचे अधिकारी तसेच मोठ्या संख्येने सफाई कर्मचारी उपस्थित होते. महाराष्ट्र राज्य सफाई कर्मचारी आयोगाचे अध्यक्ष (राज्यमंत्री दर्जा) शेरसिंग डागोर यांच्या उपस्थितीत ही बैठक पार पडली.

यावेळी चव्हाण साहेबांनी कर्मचाऱ्यांच्या समस्या मांडून त्यावर सकारात्मक चर्चा घडवून आणली. एकूणच, सफाई कर्मचाऱ्यांच्या कल्याणासाठी ही बैठक महत्त्वपूर्ण ठरली असल्याचे मत उपस्थितांनी व्यक्त केले.

— प्रतिनिधी, अॅक्टिव मराठी
विजय प्रभुणे

[wps_visitor_counter] [sp_wpcarousel id="1375"]
[metaslider id="1367"]

Related Articles

Leave a Reply

Your email address will not be published. Required fields are marked *

Back to top button