[t4b-ticker]
ब्रेकिंगसामाजिक

नगरपालिकेच्या जागेची विक्रीचा प्रयत्न; सर्वे नं. 180 प्रकरण तापले

ज्ञानेश्वर कोसलगे .मराठवाडा विभागीय संपादक  ॲक्टिव्ह मराठी न्यूज वसमत, जि. हिंगोली.

[wps_visitor_counter] [responsivevoice_button voice="Hindi Female"] [metaslider id="1367"]

नगरपालिकेच्या जागेची विक्रीचा प्रयत्न; सर्वे नं. 180 प्रकरण तापले
वसमत |अँक्टिव्ह मराठी (प्रतिनिधी) ज्ञानेश्वर कोसलगे.

वसमत शहरातील सर्वे नं. 180 मधील भूखंड प्रकरणाला गंभीर वळण मिळाले असून, नगरपालिकेच्या वतीने मुख्याधिकारी ज्ञानेश्वर मसाजी जाधव यांनी दिलेल्या तक्रारीनुसार, नगर रचना अधिकारी साक्षी भोसले यांच्या नावाने बनावट स्वाक्षरी करून खोटे कागदपत्र तयार करण्यात आल्याचा धक्कादायक प्रकार समोर आला आहे. या प्रकरणी वसमत पोलीस ठाण्यात गुन्हा दाखल करण्यात आला असून शहरात खळबळ उडाली आहे.
तक्रारीनुसार, संबंधितांनी नगर रचना विभागाच्या नोंदींचा गैरवापर करून नगर रचना अधिकारी साक्षी भोसले यांच्या नावाची बनावट स्वाक्षरी तयार केली. त्याआधारे खोटे दस्तऐवज तयार करून सर्वे नं. 180 मधील भूखंडाबाबत दिशाभूल करणारी कागदपत्रे वापरण्यात आल्याचा आरोप करण्यात आला आहे.
या प्रकरणाची माहिती समोर आल्यानंतर नगरपालिकेने तत्काळ दखल घेत मुख्याधिकारी ज्ञानेश्वर मसाजी जाधव यांच्या माध्यमातून वसमत पोलीस ठाण्यात अधिकृत तक्रार दाखल केली. त्यानंतर पोलिसांनी संबंधितांविरुद्ध गुन्हा नोंदवून तपास सुरू केला आहे.
प्राथमिक माहितीनुसार, बनावट कागदपत्रांच्या आधारे भूखंडाच्या मालकी व व्यवहारासंदर्भात चुकीची माहिती सादर करण्यात आल्याचा संशय व्यक्त करण्यात येत आहे. या प्रकरणात बनावट स्वाक्षरी, शासकीय कागदपत्रांमध्ये फेरफार आणि फसवणुकीचे पैलू तपासले जात असून संबंधित दस्तऐवजांची पडताळणी सुरू आहे.
दरम्यान, शासकीय अधिकारी यांच्या नावाने बनावट स्वाक्षरी करून कागदपत्रे तयार केल्याचा आरोप अत्यंत गंभीर मानला जात असून दोषींवर कठोर कारवाई करण्याची मागणी नागरिकांकडून होत आहे.
पोलीस तपासानंतर या संपूर्ण प्रकरणातील सत्य समोर येणार असून, संबंधित सर्व कागदपत्रांची शासकीय स्तरावरही चौकशी करण्यात येणार असल्याची माहिती मिळाली आहे.
pratinidhi ज्ञानेश्वर कासोळगे
मराठवाडा विभागीय संपादक
ॲक्टिव्ह मराठी न्यूज
वसमत, जि. हिंगोली

.

[wps_visitor_counter] [sp_wpcarousel id="1375"]
[metaslider id="1367"]

Related Articles

Leave a Reply

Your email address will not be published. Required fields are marked *

Back to top button