पत्रकारांना धमकी प्रकरणी खासदार संजय दिना पाटील यांच्याविरोधात कारवाईची मागणी…
अक्टिव्ह मराठी न्यूज मराठवाडा विभागीय कार्यकारी संपादक किसन बी पवार .बीड जिल्हा, (प्रतिनिधी)

पत्रकारांना धमकी प्रकरणी खासदार संजय दिना पाटील यांच्याविरोधात कारवाईची मागणी…
अक्टिव्ह मराठी न्यूज मराठवाडा विभागीय कार्यकारी संपादक किसन बी पवार *बीड जिल्हा, (प्रतिनिधी) :-

दि.२६ जून मुंबईतील काही पत्रकारांना शिवीगाळ करून जीवे मारण्याची धमकी दिल्याचा आरोप असलेल्या संजय दिना पाटील यांच्याविरोधात तातडीने गुन्हा दाखल करून कठोर कारवाई करण्यात यावी, अशी मागणी माजलगाव येथील पत्रकारांनी केली आहे. यासंदर्भात काल दि. २५ रोजी माजलगाव शहर पोलीस स्टेशनचे पोलीस निरीक्षक राहुल सुर्यतळ यांना निवेदन देण्यात आले. निवेदनात म्हटले आहे की, पत्रकार हे लोकशाहीचा चौथा स्तंभ असून त्यांचे अभिव्यक्ती स्वातंत्र्य अबाधित राहणे अत्यंत आवश्यक आहे. पत्रकारांना धमकावणे, शिवीगाळ करणे आणि जीवे मारण्याच्या धमक्या देणे हा गंभीर प्रकार असून अशा घटनांमुळे पत्रकारांच्या सुरक्षिततेचा प्रश्न निर्माण होत आहे. खासदार संजय दिना पाटील यांनी पत्रकारांबाबत केलेल्या कथित वक्तव्याची गंभीर दखल घेऊन त्यांच्याविरोधात पत्रकार संरक्षण कायद्यानुसार गुन्हा नोंदवून कठोर कारवाई करण्यात यावी, अशी मागणी निवेदनातून करण्यात आली. तसेच पत्रकारांच्या अभिव्यक्ती स्वातंत्र्याचे संरक्षण करण्यासाठी प्रशासनाने ठोस पावले उचलावीत, अशीही मागणी करण्यात आली. दरम्यान, या प्रकरणात तातडीने कारवाई न झाल्यास माजलगांव पत्रकार संघाच्या वतीने तीव्र स्वरूपाचे आंदोलन छेडण्यात येईल, असा इशाराही निवेदनाद्वारे देण्यात आला.
या निवेदनावर पत्रकार अनंत घडसिंगे, धनंजय माने, मुजफ्फर शेख, फेरोज पठाण, विजय कापसे, मच्छिंद्र उफाडे, अजिंक्य वाघमारे आणि सिद्धेश्वर गायकवाड यांच्या स्वाक्षऱ्या असून पत्रकारांनी एकजूट दाखवत पत्रकारांच्या सुरक्षिततेसाठी कठोर भूमिका घेतली आहे.

