अहिल्यानगर : कत्तलीसाठी नेणाऱ्या तीन गोवंशीय गायींची एमआयडीसी पोलिसांकडून सुटका, १.९५ लाखांचा मुद्देमाल जप्त.
प्रतिनिधी:- जॉन पाटोळे Active Marathi News. MIDC .Ahilya Nagar

अहिल्यानगर : कत्तलीसाठी नेणाऱ्या तीन गोवंशीय गायींची एमआयडीसी पोलिसांकडून सुटका, १.९५ लाखांचा मुद्देमाल जप्त

*अहिल्यानगर, ॲक्टिव्ह मराठी.(प्रतिनिधी) दि. २७ जून २०२६ – कत्तलीच्या उद्देशाने बेकायदेशीरपणे वाहतूक केल्या जाणाऱ्या तीन गोवंशीय गायींची एमआयडीसी पोलिसांनी मोठी कारवाई करत सुटका केली आहे. या कारवाईत सुमारे १,९५,००० रुपयांचा मुद्देमाल जप्त करण्यात आला आहे.
दि. २६ जून २०२६ रोजी सायंकाळी ६:५० वाजताच्या सुमारास सपोनि हेमंत थोरात यांना गुप्त माहिती मिळाली की, गवळीवाडा विरुद्ध बायपास येथे एम एच १६ सी ए ७५५६ या पिकअप वाहनातून गोवंशीय जनावरे कत्तलीसाठी बेकायदेशीरपणे वाहून नेली जात आहेत.
माहिती मिळताच एमआयडीसी पोलिस स्टेशनच्या पथकाने तातडीने घटनास्थळी धाव घेतली. विळद सर्कलकडून येणारे सदर पिकअप वाहन दिसताच पोलिसांनी थांबवण्याचा इशारा केला. मात्र चालकाने वाहन न थांबवता अंधाराचा फायदा घेऊन पळून जाण्याचा प्रयत्न केला.
पोलिसांनी तात्काळ पिकअपचा पाठलाग करून वाहन थांबवले. तपासणी दरम्यान वाहनात तीन गोवंशीय जातीच्या गायी आढळून आल्या. पिकअप क्रमांक एम एच १६ सी ए ७५५६ सह एकूण १,९५,००० रुपयांचा मुद्देमाल जप्त करण्यात आला.
सुटका केलेल्या गायींना निसर्गसृष्टी गोशाळा निंबळक येथे सुरक्षितपणे जमा करण्यात आले आहे. फरार झालेल्या पिकअप चालकाविरुद्ध एमआयडीसी पोलिस स्टेशन येथे गु. र. नं. ४७०/२०२६ अन्वये महाराष्ट्र प्राणी संरक्षण अधिनियम १९७६ चे कलम ५, ९ प्रमाणे गुन्हा दाखल करण्यात आला आहे.
सदरची यशस्वी कामगिरी पोलीस अधीक्षक मा. श्री. मुम्मका सुदर्शन यांच्या मार्गदर्शनाखाली सपोनि हेमंत थोरात प्रभारी अधिकारी, सपोफौ राकेश खेडकर, पोहेकॉ राजू सुद्रीक, पोहेकॉ शैलेश रोहोकले, पोकाॅ किशोर जाधव, पोकाॅ सूरज देशमुख, पोकाॅ शिवाजी मोरे, पोकाॅ अनिल उगलमुगले, पोकाॅ गोरक्षनाथ जावळे, पोकाॅ गोरक्षनाथ आघाव, पोकाॅ परमेश्वर पालवे, पोकाॅ दिपक फुंदे, पोकाॅ दहिफळे यांच्या पथकाने केली.
*प्रतिनिधी:- जॉन पाटोळे Active Marathi news. MIDC .Ahilya Nagar

