*कोपरगावातून पळवून आणलेल्या अल्पवयीन मुलीची स्थानिक गुन्हे शाखेकडून सुटका* *दरेवाडी, अहिल्यानगर येथून दोन आरोपी ताब्यात*
अहिल्यानगर शहर प्रतिनिधी ,सागर सब्बन.


ॲक्टिव्ह मराठी न्युज (प्रतिनिधी) , दिनांक 18/08/2026 रोजी यातील फिर्यादी श्री.निलेश भारत चावरे, रा.कोपरगाव यांची अल्पवयीन मुलगी वय 12 हिस कोणीतरी अज्ञात इसमांनी पळवून नेले.याबाबत कोपरगाव शहर पोलीस स्टेशन गुरनं 464/2026 बीएनएस कलम 137(2) प्रमाणे गुन्हा दाखल करण्यात आला आहे.
वर नमूद गुन्हयातील अल्पवयीन पिडीतेचा शोध घेणेबाबत मा.पोलीस अधीक्षक, अहिल्यानगर यांनी दिलेल्या आदेशावरून श्री.संतोष मुटकुळे, पोलीस निरीक्षक, स्थानिक गुन्हे शाखा, अहिल्यानगर यांनी पोलीस अंमलदार अरूण गांगुर्डे, फुरकान शेख, अशोक लिपणे, आजिनाथ पाखरे, रणजीत जाधव, अमृत आढाव, अभिजीत आरकल, महिला पोलीस अंमलदार चिमा काळे व किरण ठुबे अशांचे पथक तयार करून गुन्हयांचा समांतर तपास करणेबाबत सुचना व मार्गदर्शन करून पथकास रवाना केले.
तपास पथक गुन्हयातील पिडीत व आरोपीचा शोध घेत असताना दिनांक 21/08/2026 रोजी गोपनीय बातमीदारामार्फत गुन्हयातील पिडीत मुलीस इसम नामे नूर राजू पठाण, रा.आंबेडकरनगर, राहता याने पळवून आणले असून ते हरीमळा, दरेवाडी, सोलापूर रोड येथे असल्याची माहिती मिळाली. मिळालेल्या माहितीवरून पथकाने हरीमळा, दरेवाडी, सोलापूर रोड, अहिल्यानगर येथे जाऊन पिडीत मुलगी व संशयीत इसमाचा शोध घेऊन पिडीत मुलगी व 1) नूर राजू पठाण, वय 19, रा.आंबेडकरनगर, राहाता, ता.राहाता, जि.अहिल्यानगर यास ताब्यात घेतले.
ताब्यातील आरोपी व पिडीत मुलगी यांचेकडे अधिक विचारपूस करता ते कोपरगाव येथून अहिल्यानगर येथे पळून आले व त्यांना कोपरगाव येथून पळून येण्यासाठी समीर मनोज सोनगत याने मदत केली असून ते दोन दिवसापासुन त्याचेकडेच रहावयास होते अशी माहिती सांगीतल्याने 2) समीर मनोज सोनगत, वय 22, रा.हरीमळा, दरेवाडी, ता.अहिल्यानगर यास ताब्यात घेतले आहे.ताब्यातील वर नमूद आरोपीस पिडीत मुलीसह गुन्हयाचे पुढील तपासकामी कोपरगाव शहर पोलीस स्टेशन येथे हजर करण्यात आले आहे.
वरील कारवाई मा. श्री. मुम्मका सुदर्शन, पोलीस अधीक्षक अहिल्यानगर यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे. *अहिल्यानगर शहर प्रतिनिधी ,सागर सब्बन*

